Geguritan Banyumasan PENGIMPEN

PENGIMPEN                                                      

Daning : Agustav Triono

Ana wong ngidung kayong kepenak swarane

Kae sapa jane, Rama?

Wong sing lagi kesepen dekebeki impen-impen, Nak

Nalikane lintang-lintang pating kerlip pating gebyar

Lho koh ora nana wulan, Rama?

Iya, wulane agi umpetan neng gigire gunung, Nak

Langite padhang jembar kalangane

Widadarine koh urung teka, Rama?

Widadarine agi dandan neng salon sewerga, Nak

Winginane aku ngimpi widadarine aweh dolanan karo pit anyar

Kapan tekane ya Rama?

Mengko angger ko unggah-unggahan dadi bintang

 tek prentah kon dejujugna, Nak

Kirane ora ngapusi, Rama?

Ora, siki ko turua sing ngledher

Ngesuk dadi ora kerainan

Mangkat sekolah ora kawanen

(O ala Nak, dhewek kiye uripe mung sugih pengimpen)

                                                                               2012.